يا بنت جارتنا ضلّي بجيرتنا
هالأرض سعدتنا وأحباب عرفتنا
يا بنت جارتنا
مافي ولا في حي متلِ هالجيرة
فيها هدوء وفي وملاعب كتيرة
فيها قناية مي متهادية بحيرة
وفيها شوي شوي ربيت محبتنا
يا بنت جارتنا
إلنا معك تذكار عن عهد ماضينا
أيام كنا صغار وكنتي تلاقينا
عَ فية الأشجار حتى تشوفينا
ونروح سوا مشوار عَ دروب بلدتنا
يا بنت جارتنا
ومرة بصبحية كنتي معي بقربي
وطلبتي خبرية رفّ ارتعش قلبي
وحكيو عينيي حكيو عن حبي
وصرنا يومية نراجع حكايتنا
يا بنت جارتنا